ចាប់តាំងពី Jaycee Chan
ត្រូវបានចាប់ខ្លួននិងឃុំឃាំងក្នុងពន្ធនាគារនៅបេកាំងដោយសារតែ
ការប្រើប្រាស់កញ្ឆា ក្នុងខែសីហាឆ្នាំ២០១៤ កន្លងទៅ
ដោយក្នុងរយៈពេលជាប់ឃុំឃាំងកន្លងមកតុលាការមិនអនុញ្ញាតអោយ
អ្នកណាម្នាក់ចូលទៅសួរសុខទុក្ខនោះទេ។ កាលពីម្សិលមិញនេះដែរ តុលាការបានចេញសាលក្រមសម្រេចឲ្យកូនប្រុសតារាល្បីលំដាប់ហូលីវូដ រូបនេះជាប់ពន្ធនាគារ៦ខែទៀតផងដោយអវត្តមានលោក Jackie Chan ជាឪពុក និង អ្នកស្រី Joan Lin ជាម្តាយ។
ទោះបីជា Jackie Chan និងភរិយា Joan Lin មិនបានជួបកូនប្រុសជិត៥ខែហើយក្ដី ប៉ុន្តែក្នុងពេលតុលាការកាត់ក្តី គេមិនឃើញមានវត្តមានរបស់អ្នកទាំងពីរនោះទេ បើទោះបីជាលោក ឈិនឡុងស្នាក់នៅបេកាំងក៏ដោយ។ ប៉ុន្តែតារាហូលីវូដងប់ងល់នឹងការងាររូបនេះច្បាស់ជាមិនអាចបោះបង់ ការងារចោលនោះទេ ចំណែកលោកស្រី Joan វិញខណៈនេះក៏កំពុងនៅក្រៅប្រទេសដូច្នេះមិនមែនជាការងាយស្រួលក្នុង ការធ្វើដំណើរឡើងចុះនោះទេដើម្បីស្ដាប់ការកាត់សេចក្ដីរបស់តុលាការ នោះ។
Eric Tsang ដែលជាមិត្តដ៏ជិតស្និទ្ធរបស់ឈិនឡុងបានថ្លែងថា លោកអាណិតអ្នកទាំងពីរខ្លាំងណាស់ ពិសេស Joan ដែលនឹកកូនប្រុសយ៉ាងខ្លាំងរហូតសរសេរសំបុត្រអោយកូនប្រុសរាល់ថ្ងៃ ដើម្បីរង់ចាំអោយកូនប្រុសចេញពីពន្ធនាគារវិញ។ លោកបានបន្ថែមទៀតថា មិត្តសម្លាញ់លោកឈិនឡុងបានប្រាប់ថា Jaycee បានអានសៀវភៅជាច្រើន ដូច្នេះលោកសង្ឃឹមថា គេអាចយកបទពិសោធន៍លើកនេះធ្វើជាឧទាហរណ៍ដើម្បីរស់នៅអោយមានជីវិត កាន់តែមានតម្លៃ។
រំលឹកឡើងវិញក្រៅពីកូនប្រុសតារាសម្ដែងចិនលំដាប់ហូលីវូដរូបនេះ មានតារាសម្ដែងតារាចម្រៀងជាច្រើនរូបទៀតកំពុងស្ថិតក្រោម ការស៊ើបអង្កេតនិងតាមដានយ៉ាងម៉ឺងម៉ាត់ម៉ត់ចត់ពីប៉ូលិសចិនដីគោក ក្នុងករណីសង្ស័យប្រើប្រាស់គ្រឿងញៀនមិនតិចជាងរយនាក់នោះទេ៕
ប្រែសម្រួល៖ សុខា នីកា
ប្រភព៖ http://www.jaynestars.com/
Post a Comment