ប្រសិនបើប្រិយមិត្ត មិត្តអ្នកអានជាអ្នកគាំទ្រភាពយន្តខ្នាតធំបូលីវូដ ច្បាស់ជាស្គាល់តារាឯកស្រីរូបស្រស់ Sonakshi Sinha ជាក់ជាមិនខាន ប៉ុន្តែប្រិយមិត្តមិនធ្លាប់ដឹងទេថា ពីមុនមកតារាស្រីមានរូបសម្រស់ស្អាតដ៏ល្បីម្នាក់នេះ ធ្លាប់ជានារីមានរូបរាងធាត់ខ្លាំងមុនពេលនាងប្រឡូកចូលក្នុង ពិភពភាពយន្តបូលីវូដ។
មុនក្លាយជាតារាសម្ដែងភាពយន្តខ្នាតធំជាលើកដំបូង ជាមួយតួឯកប្រុស Superstar ឥណ្ឌា Salman Khan ក្នុងភាពយន្តខ្នាតធំ Dabangg នាង Sonakshi បានសំរកទម្ងន់ដល់ទៅជាង ៣០គីឡូក្រាម។ យោងតាម BollywoodShaadis បានដឹងថា អតីតនារីមានរូបរាងធាត់រូបនេះបានចាប់ផ្ដើមហាត់ប្រាណយ៉ាង ខ្លាំង ព្រមទាំងរៀបគម្រោងតមអាហារដែលមានកាឡូរីខ្ពស់ដើម្បីកាត់បន្ថយការ ឡើងទម្ងន់ទៀតផង។
បើទោះបីជានាងមិនចូលចិត្តកន្លែងហាត់ប្រាណ តែតារាស្រីរូបនេះ បានទៅហាត់ប្រាណលើកឧបករណ៍ជាច្រើន ពោលគឺយ៉ាងហោចណាស់ពីរដងក្នុងមួយថ្ងៃដើម្បីសម្រេចក្ដីសុបិន ក្លាយជាតារាសម្ដែង។ ដោយសារតែមានគំនិតយល់ថា មានសេចក្ដីព្យាយាមនៅទីណាសេចក្ដីសម្រេចនៅទីនោះ ទីបំផុតនាងក៏អាចសម្រេចដល់គោលដៅទាំងហាត់ប្រាណនិងតមអាហារ ដោយនាងឱ្យដំបូន្មានថា នាងនៅញ៉ាំអាហារដដែលប៉ុន្តែចំនួនតិចជាងមុន។
តារាស្រីដែលអាចសំរកគីឡូបានរហូតដល់៣០គីឡូនិងក្លាយជាតារាល្បី លំដាប់បូលីវូដរូបនេះបានអោយដឹងថា ការតាំងចិត្ត មិនមែនហុចផលឱ្យអ្នកធ្វើក្នុងរយៈពេលត្រឹមមួយយប់នោះទេ ដូច្នេះត្រូវចាំថា អ្នកអាចនឹងត្រូវរងចាំលទ្ធផល ជាច្រើនខែឬឆ្នាំ ដូច្នេះសេចក្ដីអំណត់គឺជាកត្តាចាំបាច់បំផុត៕
ប្រែសម្រួល៖ សុខា នីកា
Post a Comment