ជាធម្មតាទេ ជីវិតមនុស្សម្នាក់ៗ មិនថាស្រី ឬ ប្រុសនោះទេ តែងប្រាថ្នាចង់បានដៃគូដែលអាចរស់នៅជាមួយគ្នាបានពេញមួយជីវិត។ ដោយសារតែបែបនេះហើយ បានជាគ្រប់គ្នាតែងព្យាយាមស្វែងរកមនុស្សណាដែល សាកសមនឹងខ្លួន ដើម្បីអាចរស់នៅជាមួយគ្នាបាន។ ចំពោះនារីៗវិញ ចំណុចនេះ គឺជារឿងដ៏សំខាន់ ព្រោះថា បើមិនបានគិតគូរឲ្យបានល្អិតល្អន់មុន នឹង សម្រេចចិត្ត ជ្រើសរើសបុរសណាម្នាក់ទេ ពួកគេអាចនឹងប្រឈមនឹងបញ្ហាជាច្រើន។
ខាងក្រោមនេះ គឺជាលក្ខណៈសំខាន់ៗមួយចំនួនរបស់បុរស ដែលនារីគ្រប់រូបត្រូវគិតឲ្យច្បាស់៖
១) ភាពស្មោះត្រង់
បើទោះបីជា មានរូបរាងសង្ហារ និង ពូកែនិយាយលួងលោមប៉ុន្តែ ក៏ដោយ នារីៗទាំងឡាយ គួរអង្កេតឲ្យបានច្បាស់ថា បុរសនោះមានភាពស្មោះត្រង់ដែរឬទេ។ ភាពស្មោះត្រង់ គឺពិតជាសំខាន់ខ្លាំងណាស់ ព្រោះបើគ្មានភាពស្មោះត្រង់នោះទេ អ្នកនឹងគ្មានបានអ្វីក្រៅតែពីការឈឺចាប់ ចំពោះអំពើក្បត់នោះឡើយ។ នេះគឺជាចំណុចមួយដែលមិនអាចខ្វះបាន សម្រាប់នារីៗ គ្រប់រូប មុនពេលសម្រេចចិត្តទទួលយកបុរសណាម្នាក់ជាគួរអនាគតរបស់ខ្លួន។
២) ចេះអធ្យាស្រ័យខ្ពស់
ជា ធម្មតានោះទេ នៅពេលមនុស្សរស់នៅជាមួយគ្នា តែងតែមានកំហុសកើតឡើងមិនអាចជៀសផុតឡើយ។ ប្រសិនបើដៃគូរបស់អ្នកជាប្រភេទមនុស្សដែល មិនសូវចេះយោគយល់ និង អធ្យាស្រ័យច្រើននោះទេ ប្រាកដណាស់ថា វាពិតជាមានការលំបាកក្នុងការ រួមរស់ជាមួយគ្នាឲ្យបានយូរអង្វែង ព្រោះ មានរឿងរ៉ាវជាច្រើនដែលត្រូវឈ្លោះគ្នាមិនចេះចប់មិនចេះហើយ។ ដូច្នេះហើយ នារីៗទាំងអស់ ត្រូវសិក្សាលើចំណុចនេះឲ្យច្បាស់ ដើម្បីជៀសវាងបញ្ហានៅថ្ងៃខាងមុខ។
៣) យកចិត្តទុកដាក់ខ្ពស់
ដើម្បីអាចរស់នៅជាមួយគ្នាប្រកបដោយសុភមង្គល ចំណុចមួយដែលមិនអាចខ្វះបាន គឺការយកចិត្តទុកដាក់លើគ្នាទៅវិញទៅមក។ មនុស្សពីរនាក់ ដែលរស់នៅជាមួយគ្នា តែមានតែម្នាក់ដែលយកចិត្តទុកដាក់ខ្ពស់ ហើយម្នាក់ទៀត មិនដែលខ្វល់ខ្វាយអំពីសុខទុក្ខរបស់ដៃគូខ្លួន វានាំឲ្យជីវិតគួរស្នេហ៍ទាំងពីរហាក់សោះអង្គើយ។ មានន័យថា នារី ត្រូវតែទទួលបានការយកចិត្តទុកដាក់ពីបុរស ដូចដែលនារីបានបង្ហាញចំពោះបុរសដែរ។ បើខ្វះចំណុចនេះ មិនយូរមិនឆាប់អ្នកទាំងពីរ ប្រាកដជាដើរដល់ផ្លូវបែកមិនខាន។ ដូច្នេះហើយ អ្នកត្រូវតែស្វែងរកបុរសណាដែល មានការយកចិត្តទុកដាក់ខ្ពស់ ឬ ដឹងពីការលំបាករបស់អ្នក ដើម្បីកុំឲ្យមានការស្តាយក្រោយ។
៤) ជាមនុស្សដែលចេះទទួលស្គាល់កំហុស
វាជារឿងដែលជៀសមិនផុត ដែលមនុស្សម្នាក់តែងសាងកំហុស។ ប៉ុន្តែត្រង់ចំណុចនេះ រឿងដែលសំខាន់នោះទេ បើទោះបីជាមានកំហុសអ្វីកើតឡើងក៏ដោយ អ្នកខ្លះមិនដែលទទួលស្គាល់កំហុសរបស់ខ្លួននោះទេ ហើយព្យាយាមលើកហេតុផលដើម្បីការពារកំហុស។ មនុស្សប្រភេទនេះ អ្នកត្រូវព្យាយាមជៀសឲ្យផុត ព្រោះវាគ្មានរឿងល្អកើតឡើងឡើយ។ ដូច្នេះហើយ អ្នកគួរតែព្យាយាម គិតគូរឲ្យបានច្បាស់ ថាបុរសណាដែលចេះទទួលស្គាល់កំហុសរបស់ខ្លួន ហើយព្យាយាមរៀនសូត្រពីកំហុសនេះ ដើម្បីអភិវឌ្ឍន៍ខ្លួនទៅអនាគត៕
ប្រែសម្រួល៖ រស្មី
ប្រភព៖ lifehack.org & askmen.com
Post a Comment