តារាចម្រៀងត្រគាកធំ Nicki Minaj បានបរិយាយអស់គ្មានសល់ពីរឿងរ៉ាវការមានទម្ងន់ និងសម្រេចចិត្តរម្លូតកូនចោល គឺជារឿងដ៏ធ្ងន់ធ្ងរបំផុតដែលធ្លាប់កើតមានក្នុងជីវិតនាង ហើយក៏ជារឿងមួយដែលនាងមិនអាចបំភ្លេចបាន និងតែងតែមកលងបន្លាចនាងរហូតដល់ពេលនេះ។
តារាចម្រៀងល្បីល្បាញលំដាប់ពិភពលោក បានបើកដួងចិត្តនិយាយរឿងរ៉ាវពីអតីតកាលប្រាប់ទស្សនាវដ្ដី Rolling Stone ដែលនាងបានថតរូបដាក់គម្របមុខ ក្រោមស្នាដៃថតរូបឯករបស់ Terry Richardson ។ ប៉ុន្តែរឿងដែលផ្ដោតសំខាន់នៅពេលនោះ គឺពាក់ព័ន្ធទៅនឹងការមានទម្ងន់ និងរឿងរម្លូតកូនចោល ដែលនាងធ្លាប់បានពោលរៀបរាប់ប្រាប់អ្នកស្ដាប់តាមរយៈបទ "All Thing Go" ម្ដងរួចមកហើយនោះ។
តារាចម្រៀងវ័យ៣២ឆ្នាំរូបនេះទទួលស្គាល់ថា នាងធ្លាប់ភ្លាំងភ្លាត់មានទម្ងន់ពេលនៅជាយុវវ័យ កាលណោះនាងតក់ស្លុតជាខ្លាំង រហូតធ្វើអ្វីមិនត្រូវ ហើយកាន់តែធ្ងន់ធ្ងរទៀតនោះនាងធ្លាប់គិតដល់ថ្នាក់ថានាងនឹងស្លាប់ ទៀតផង។ “សម្រាប់ក្មេងស្រីវ័យក្មេងម្នាក់ រឿងបែបនេះជារឿងដ៏អាក្រក់បំផុតនៅក្នុងជីវិតរបស់នាង” នេះជាអ្វីដែល Nicki បានប្រាប់នៅក្នុងបទសម្ភាសន៍ជាមួយ Rolling Stone។
ថ្វីត្បិតតែនាងអាចឆ្លងផុតរឿងរ៉ាវដ៏អាក្រក់កាលពីវ័យក្មេងក្ដី ប៉ុន្តែរហូតមកដល់ពេលនេះ Nicki នៅតែមិនអាចបំភ្លេចរឿងរម្លូតកូននោះបាន រឿងនោះនៅតែតាមលងបន្លាចសតិអារម្មណ៍នាង រហូតដល់ថ្នាក់បច្ចុប្បន្ននាងមិនហ៊ានមានទម្ងន់ទៀតផង។
កិច្ចសម្ភាសន៍ស្ដីពីរឿងរ៉ាវជីវិតដ៏សែនជូរចត់របស់តារាចម្រៀងរេប Nicki Minaj ជាមួយទស្សនាវដ្ដីដ៏ល្បីល្បាញ Rolling Stone គឺមានចេញលក់រួចមកហើយនៅលើទីផ្សារកាលពីថ្ងៃទី២ ខែមករា ឆ្នាំ២០១៥ កន្លងទៅថ្មីៗនេះ៕
ប្រែសម្រួល៖ សុខា នីកា
ប្រភព៖ http://www.channel24.co.za
Post a Comment