ក្រោយពីជួបវិបត្តិហិរញ្ញវត្ថុដ៏អាក្រក់បំផុត និងការធ្លាក់ចុះសេដ្ឋកិច្ចរយៈពេល៥ឆ្នាំ សេដ្ឋកិច្ចអាមេរិកនិងបណ្ដាប្រទេសជឿនលឿនមួយចំនួន មានស្ថិរភាព ខណៈប្រទេសខ្លះទៀតកំពុងមានកំណើនឡើង។ ជាក់ស្ដែង បណ្ដាប្រទេសឧស្សាហកម្មជឿនលឿនមួយចំនួនមានកំណើតឡើងដែរ តែក្នុងកម្រិតយឺតបំផុតគិតតាំងពីឆ្នាំ២០០៧ មក។
លោក John Normand ប្រធានគ្រប់គ្រងយុទ្ធសាស្ត្រអត្រាប្ដូរប្រាក់បរទេសនៅក្រុមហ៊ុន JPMorgan Chase&Coនៅទីក្រុងឡុងដ៍បានថ្លែងថា៖«នោះជាមូលហេតុដែលខ្ញុំ ហៅថា ជាកម្រិតមធ្យមបំផុត២,០ (Great Moderation 2.0»។
កំណើនផលិតផលក្នុងស្រុកសរុប (GDP)
ការព្យាករថ្មីបំផុតរបស់មូលនិធិរូបិយវត្ថុអន្តរជាតិបង្ហាញថា កម្រិតនៃកំណើនសេដ្ឋកិច្ចនៅក្រុមប្រទេសឧស្សាហកម្មជឿនលឿន ទាំង ៧ (G-7) នឹងថយចុះ ០,៤%នៅឆ្នាំនេះបើធៀបនឹងឆ្នាំ២០១០ដែលថយចុះកម្រិត ៣% និង គិតជាមធ្យមធ្លាក់ចុះ ០,៨%នៅរយៈពេលពីរទសវត្សរ៍ចុងក្រោយគិតត្រឹមឆ្នាំ២០០៧ នេះបើយោងតាមការប៉ាន់ប្រមាណរបស់ទីភ្នាក់ងារព័ត៌មាន Bloomberg ជាទីភ្នាក់ងារវាស់កម្រិតប្រែប្រួលនៅក្នុងកំណើនផលិតផលសរុប ក្នុងស្រុកលើរយៈពេល ៤ឆ្នាំមកនេះ។
ការប្រែប្រួលកំណើនអត្រាការងារក៏បានធ្លាក់ ០,១%ដែរនៅឆ្នាំនេះ ដែលចំនួននេះបានកើនឡើងបីដងដល់គឺ ១,៧%នៅឆ្នាំ២០០៩។
ការទប់ស្កាត់អតិផរណា
លោកសាស្ត្រាចារ្យ James Stock នៃសាកលវិទ្យាល័យ Harvard និងលោក Mark Watson នៃសាកលវិទ្យាល័យ Princeton បានឲ្យតម្លៃការបង្កើតពាក្យថា «កម្រិតមធ្យមបំផុត» ឬភាសាអង់គ្លេសហៅថា «Great Moderation» នៅក្នុងឯកសារឆ្នាំ២០០២ មានចំណងជើងថា«តើវដ្ដពាណិជ្ជកម្មប្រែប្រួលឬទេ? ហេតុអី?»។ ពួកគេរកឃើញ«ភស្តុតាងជាក់ស្ដែងនៃការធ្លាក់ចុះនេះ»នៅក្នុងការ ប្រែប្រួលសកម្មភាពសេដ្ឋកិច្ចអាមេរិកដោយចាត់ទុកការប្រែប្រួល ចន្លោះ១០%ទៅ២៥%នេះថាបានមកពីការយកទុនបម្រុងរបស់សហព័ន្ធទៅ ទប់ស្កាត់អតិផរណា។
ការពង្រឹងនិយតកម្ម
ធនាគារ Goldman Sachs បានពន្យល់ថា ការពង្រឹងនិយតកម្មធនាគារ និងបំណុលអតិថិជនក្រោយពីមានវិបត្តិនេះមានន័យថាកំណើនសេដ្ឋកិច្ច នឹងមិនសូវប៉ះពាល់ដោយសារតែការផ្ដល់ប្រាក់កម្ចីកាន់តែងាយ ស្រួលជាងមុននោះទេ។ ឧទាហរណ៍នៅតំបន់ចាយប្រាក់អឺរ៉ូ ការផ្ដល់កម្ចីដល់ក្រុមហ៊ុននិងក្រុមគ្រួសារធ្លាក់ចុះ ២,២ភាគរយកាលពីខែមីនា បើធៀបនឹងរយៈពេលដូចគ្នាកាលពីមុន។ នេះបើតាមធនាគារកណ្ដាលរបស់អឺរ៉ុប។
លោក Jason Furman ប្រធានក្រុមប្រឹក្សានៃទីប្រឹក្សាសេដ្ឋកិច្ចរបស់លោកប្រធានាធិបតី អាមេរិក បារ៉ាក់ អូបាម៉ា បានថ្លែងនៅក្នុងសុន្ទរកថាពីថ្ងៃទី១០ខែមេសា នាទីក្រុងវ៉ាស៊ីនតោនថា កម្រិតនៃការធ្លាក់ចុះសេដ្ឋកិច្ចថ្មីៗនេះ «ពិតជាបង្ហាញពីការដាក់កម្រិតធ្ងន់ធ្ងរលើខ្លឹមសារនៃកម្រិត មធ្យមបំផុត»ផងដែរ។
ការរង្គោះរង្គើតិចតួច
ក្រុមអ្នកបង្កើតគោលនយោបាយអាចដោះស្រាយបញ្ហារង្គោះរង្គើតិចតួច បានល្អជាងកាលដែលពួកគេធ្វើនៅទសវត្សរ៍ឆ្នាំ១៩៧០ ហើយអាចការពារការរាលដាលពីការរង្គោះរង្គើនេះ។ ការសាកល្បងនោះគឺថា មន្ត្រីនៅក្នុងប្រទេសឧស្សាហកម្មជឿនលឿនទាំងនេះ អាចដោះស្រាយការគំរាម«កាន់តែធំនិងកាន់តែញឹកញាប់» បានប៉ុណ្ណា ដែលធ្វើឲ្យមានវិបត្តិសេដ្ឋកិច្ចកាន់តែធំឡើងនៅពេលមានការរាល ដាលនោះ។ ឧទាហរណ៍ដូចជាការបរាជ័យរបស់ក្រុមហ៊ុន Lehman Brothersជាដើម។
សេដ្ឋកិច្ចរបស់ក្រុមប្រទេសជី៧
តាមទិន្នន័យរបស់ IMF បានបង្ហាញថា ប្រទេស G-7 មានកម្រិតកំណើនទាបជាងមុន សេដ្ឋកិច្ចរបស់ក្រុមប្រទេស G-៧បានកើនឡើងក្នុងអត្រា ២,៦%នៅទសវត្សរ៍ឆ្នាំ១៩៩០ និង២,២%នៅរយៈពេល៥ឆ្នាំដំបូងនៃទសវត្សរ៍២០០០។ តាំងពីឆ្នាំ២០០៩មក កំណើនសេដ្ឋកិច្ចបានស្ថិតនៅជាមធ្យមកម្រិត១,៩%។ លោក Dixon បានថ្លែងថា៖«ខ្ញុំមើលមិនឃើញការត្រឡប់ទៅរកកម្រិតមធ្យមនៅពេលណា មួយឆាប់នេះទេ»។
ការរាលដាលវិបត្តិក្នុងពិភពលោក
តាមលោក Joachim Fels សហប្រធានសេដ្ឋកិច្ចវិទូពិភពលោកនៅ Morgan Stanley ក្នុងទីក្រុងឡុងដ៍បានឲ្យដឹងថា គេមានទស្សនតែមួយចំពោះសេដ្ឋកិច្ចពិភពលោក។ ដោយចាប់ផ្ដើមកើតនៅដើមឆ្នាំ១៩៧០ លោកបានកំណាត់ការរាលដាលសេដ្ឋកិច្ចពិភពលោកចំនួន ៦លើកគឺនៅឆ្នាំ១៩៧០ដល់១៩៧៤ ពីឆ្នាំ១៩៧៦ដល់១៩៧៩ ពីឆ្នាំ១៩៨៣ដល់១៩៩០ពីឆ្នាំ១៩៩៤ដល់២០០០ ពីឆ្នាំ២០០២ដល់២០០៨ និងពីឆ្នាំ២០១០ដល់សព្វថ្ងៃនេះ។ នោះជាមធ្យមភាគរយៈពេល៥,៨ឆ្នាំម្ដង៕
ប្រែសម្រួល៖ ប៉ិច ស៊ីនួន
ប្រភព៖ bloomberg
Post a Comment