skip to main
|
skip to sidebar
នៅអាស៊ីបុរសចាប់ផ្ដើមធ្វើជាអ្នកមើលកូនជំនួសស្ត្រីបណ្ដើរៗហើយ!
កាលពីមួយរយឆ្នាំមុន
បុរសគឺជាអ្នកចេញទៅក្រៅដើម្បីរកកម្រៃ
និងរកផលានុផលមកចិញ្ចឹមកូននិងប្រពន្ធ
ដោយទុកប្រពន្ធឱ្យនៅផ្ទះដើម្បីចម្អិនម្ហូប និងមើលថែកូន។
ប្រមាណជាពីរទសវត្សរ៍ចុងក្រោយនេះ
ការណ៍នេះមានការកែប្រែខ្លះនៅទ្វីបអាមេរិក និងទ្វីបអឺរ៉ុប។
ស្ត្រីមានសិទ្ធិទៅធ្វើការដោយទុកឲ្យស្វាមីខ្លួនជាអ្នកមើលថែ
កូនជំនួសវិញ ហើយសកម្មភាពនេះហាក់មានចំនួនកើនឡើង
ជាពិសេសនៅចក្រភពអង់គ្លេស។
ដោយឡែក នៅទ្វីបអាស៊ីឯណេះវិញ ប្រទេសធំៗដូចជាចិន
និងជប៉ុនជាដើម
កំពុងតែចម្លងយកវប្បធម៌ខាងលើនេះមកអនុវត្តនៅក្នុងប្រទេសរបស់
ខ្លួនដើម្បីលើកកម្ពស់នារីឱ្យមានសិទ្ធិដូចបុរស
ខណៈដែរនារីមួយចំនួនមានសមត្ថភាពលើសបុរសទៅទៀត។
យោងតាមអ្នករាយការណ៍សារព័ត៌មាន Bloomberg លោក Tomoko Yamazaki
បានឲ្យដឹងថា សព្វថ្ងៃនេះ
បុរសជប៉ុនបានចាប់ផ្ដើមក្លាយខ្លួនជាអ្នកមើលថែកូន
ក្នុងពេលដែលប្រពន្ធសម្រាលកូន
ដើម្បីទុកពេលឲ្យប្រពន្ធខ្លួនមានពេលត្រឡប់ទៅធ្វើការងារវិញ។
លោក Manabu Tsukagoshi
ជាអ្នកធ្វើការនៅក្រុមហ៊ុនផ្ដល់ការប្រឹក្សាដែលមានមូលដ្ឋាននៅទី
ក្រុងតូក្យូបានចំណាយពេលឈប់សម្រាកក្នុងពេលបិតុភាពរយៈពេលមួយខែ
ពេញដើម្បីមើលថែកូន បន្ទាប់ពីសម្រាលបានកូនទីពីរ។
ការធ្វើដូច្នោះបានធ្វើឲ្យភរិយាទទួលបានការងារពេញម៉ោងនៅក្នុងឧស្សាហកម្មហិរញ្ញវត្ថុ។
នាយករដ្ឋមន្ត្រីជប៉ុនលោក ស៊ិន ហ្សូអាបេ
ចង់ឲ្យបុរសមានតួនាទីដ៏សកម្មថែមទៀតនៅក្នុងទម្លាប់មើលថែកូន
ក្រោមយុទ្ធនាការដែលគេហៅថា «គម្រោង Ikumen» មានន័យថា
បុរសចិញ្ចឹមកូន។ ក្រុមហ៊ុនឧស្សាហកម្មហិរញ្ញវត្ថុមួយចំនួន
រួមទាំងក្រុមហ៊ុនធានារ៉ាប់រងអាយុជីវិត Nippon Life Insurance Co
និងក្រុមហ៊ុនធានារ៉ាប់រងអាយុជីវិត Meiji Yasuda Life Insurance
Co.ផងដែរដែលបានជួយគាំទ្រកម្មវិធីថ្មីនេះ
ដើម្បីលើកទឹកចិត្តបុរសមានពេលមើលថែកូនដែលទើបតែកើតជំនួស
ម្ដាយ។
រដ្ឋាភិបាលរបស់ប្រទេសជប៉ុនក៏ខិតខំបង្កើនភាគរយនៃបុគ្គលិកដែល
មានប្រាក់ប្រចាំឆ្នាំសម្រាប់ពេលវិសមកាលពី៤៧
ភាគរយទៅ៧០ភាគរយ
និងស្ត្រីដែលត្រឡប់ចូលធ្វើការបន្ទាប់ពីសម្រាលកូនហើយពី៣៨ភាគ
រយដល់៥៥ភាគរយត្រឹមឆ្នាំ២០២០។
យោងតាមលោក Kyomi Nakakura
អ្នកគ្រប់គ្រងនៅផ្នែកគាំទ្រការលើកទឹកចិត្តដែលចាប់ផ្ដើមកាលពី
ខែមេសាឆ្នាំមុនបានឲ្យដឹងថា បុគ្គលិកប្រុសនៅក្រុមហ៊ុន Nippon
Life
ដែលមានកូនទើបកើតគឺមានសិទ្ធិនិងត្រូវបានគេណែនាំឲ្យឈប់សម្រាក
មួយសប្ដាហ៍។
ទោះយ៉ាងណាក៏ដោយ បញ្ហានៅតែមានចំពោះស្រ្តី។ បុគ្គលិកស្រីជប៉ុន
បានសួរពីមូលហេតុដែលពួកគេមិនមានថ្ងៃឈប់សម្រាកដែលពួកគេត្រូវ
ទទួលបាននោះ ហើយបានលើកពីបញ្ហាដ៏អាម៉ាស់ផ្សេងៗ
ព្រោះពួកគេមិនទទួលបានសិទ្ធិឈប់សម្រាកនោះ
ដោយមិនចង់មានបញ្ហាជាមួយក្រុមហ៊ុន។
លោក អាបេ បានថ្លែងថា
លោកចង់បានសង្គមមួយដែលស្ត្រីអាចរះឡើងដោយលុបបំបាត់មជ្ឈមណ្ឌលថែ
ទាំ និងអប់រំ ហើយបណ្ដុះបណ្ដាលម្ដាយឲ្យត្រឡប់ទៅធ្វើការវិញ។
លោកបានប្រាប់កិច្ចប្រជុំក្រុមផ្ដល់ទីប្រឹក្សាកាលពីថ្ងៃ១៩
ខែមីនា
ឲ្យពិចារណាពីប្រព័ន្ធមួយដែលបង្អាក់ស្ត្រីមិនឲ្យទៅធ្វើការថែម
ម៉ោង លុះត្រាតែពួកគេប្រឈមនឹងការបង់ពន្ធបន្ថែម
និងការមិនមានការធានាប្រាក់ចំណូលគ្រប់គ្រាន់របស់ប្ដី
និងផែនការប្រាក់សោធន។
តាមរបាយការណ៍ស្ដីពីភាពប្រកួតប្រជែងពិភពលោកឆ្នាំ២០១២-២០១៣
ស្ដីពីវេទិកាសេដ្ឋកិច្ចពិភពលោក បានបង្ហាញថា
ការចូលធ្វើការងាររបស់ស្ត្រីនៅជប៉ុនមានអត្រាទាបជាងបណ្ដា
ប្រទេសអភិវឌ្ឍន៍មួយចំនួន។ បើប្រៀបធៀបទៅផ្សេង នៅជប៉ុនមានអត្រា
៧៤ភាគរយ នៅអាមេរិក ៨៦ភាគរយ នៅប្រទេសស៊ុយអែតមាន
៩៣ភាគរយ។
អ្នកស្រី Matsui
បានសរសេរដោយលើកពីគំរូរបស់ប្រទេសស៊ុយអែតដែលផ្ដល់អត្ថប្រយោជន៍
ចំពោះការសម្រាករបស់ឪពុក-ម្ដាយក្រោមការផ្ដល់មូលនិធិរបស់
រដ្ឋាភិបាលថា ៖«ស្ថិតិបានបង្ហាញថា
ចំនួននៃការឈប់សម្រាកបិតុភាពរបស់ឪពុកជប៉ុន
មានអត្រាទាបជាងបណ្ដាប្រទេសអភិវឌ្ឍន៍ផ្សេងៗទៀត
ដូច្នេះហើយប្រហែលជាមានបុរសកាន់តែច្រើនទៀតចង់ធ្វើការផ្លាស់
ប្ដូររឿងនេះ»៕
ប្រែសម្រួល៖ ប៉ិច ស៊ីនួន
ប្រភព៖ bloomberg
Post a Comment